ඊළඟට.. කවි සිතිවිලි පහළ කරගැනීම..
අපි කිහිප දෙනෙකුට ආරාධනා ලැබුණා කෙටි චිත්රපට තිර පිටපත් රචනා වැඩ මුළුවකට.. එය සංවිධනානය කොට තිබුණේ සිනමා වැඩ සටහන් සම්බන්ධයෙන් උනන්දු ආයතනයක් විසින්.. මූල්ය අනුග්රහය ලංකාවෙ නම ගිය රාජ්ය නොවන සංවිධනායකින්.. ඒ අය වැඩ කරන්නෙ ජනවාර්ගික ගැටළු සම්බන්ධවයි..ඉතින් එයාල කරන කොයි වැඩේදිත් “සිංහල මහ ජාතිය” ට වඩා “දෙමළ පොඩි ජාතිය” ට අසාධාර ණ වෙන බව පෙන්වන්න ඕන..
සතියක් යද්දි මේ අය කිවුවා කෙටි චිත්රපටයකට පිටපතක් ලියා දෙන්න කියල.. ඒ මදිවට ඒක කෙටි එකකට සුදුසු වෙන්න ඕන.. සිංහල දෙමළ නියෝජනයක් තියෙන්න ඕන.. ගැටුමක් අනිවාර්යෙන් තියෙන්න ඕන.. කොන්දේසි ගොඩයි..
මං කිවුව මට ක්ෂණික පිටපත් ලියන්න බැහැ.. මං මේ වැඩෙන් අයින් වෙනව කියල..
එයාල දිගටම බල කළා.. පස්සෙ ඒ පිටපත් නිරීක්ෂණය කළ එක් අයෙකු මට පෞද්ගලිකව හමු වු මොහොතක මං මේ ව්යාපෘතියේ අසාර්ථක බව ගැන කතා කළා..
ඔහු මෙහෙම කිවුව
..
” ඉස්සර අ.ත.ක.ස.යෙනුත් ඔය වගේ ක්ෂණික කවි ලියන වැඩමුළු තියල තියෙනව..මට හම්බවුණා ඒ වගේ එක් වැඩමුළුවක න්යාය පත්රය.. මතකෙන් කියනවනම් ඒක හරියට මේ වගෙයි “..
පෙ.ව. 6.00 – පිටත් වීම
පෙ.ව.10.00 – උදෑසන තේ පානය
පෙ.ව.10.30 – යළි පිටත් වීම
ප.ව.12.00 – … ස්ථානයට ළඟා වීම
ප.ව.12.30 - කවි සිතිවිලි පහළ කර ගැනීම
..
..
..
දැන් මෙහෙම ක්ෂණික කවි ලියන්න පුළුවන්ද ? මෙහෙම ව්යාපෘති සම්පුර්ණයෙන්ම අසාර්ථකයි.
අර තිර පිටපත් ලිවිල්ලත් ඒ වගෙයි.
