රංගනයට අයත් නොවන රැඟුමක්
රෝමන් පොලන්ස්කි විශිෂ්ට සිනමා කෘති බිහි කළ නිර්මාණ කරුවෙක්..ඔහුගේ ජීවිත කතාව අනුවේදනීයයි. ඒ ගැන මම වරක් බ්ලොග් සටහනකට ප්රතිචාරයක් එකතු කළා..
ගිය සතියේ සිනමා කතා බහකදි ජගත් එක පාරටම කිවුවා මං ” ද පියානිස්ට්” චිත්රපටය කැමති නැහැ..ඒක හරිම ආත්මාර්ථකාමියෙකුගේ ඉතිරිවීම පෙන්වන්නක් කියල..
දැන් පොලන්ස්කි ගැන වෙන කතාවක්..පොලන්ස්කි ඇතුළු ලෝ ප්රකට ඇතැම් සිනමා කරුවන් සිය සිනමා කෘති සඳහා නිළියන් තෝරා ගත්තෙ ඔවුන් සමග ලිංගික සබඳතා පැවැත්වීමෙන් පසුව බව අද අළුයම මං කියවු පරණ සඟරාවකින් චෝදනා කර තිබුණා..ගොඩාර්ඩ්, ටෘෆෝගෙ නම් පවා එහි තිබුණා.
අපේ රටෙත් ඒ වගේ දේවල් එහෙමම සිද්ධවෙනව කියල කියන්නෙ කාටවත් අගෞරව කරන්න හිතාගෙන නෙවෙයි..දර්ශන පසුතලවලට ඇවිත් නිදි කිරමින් චරිතයක් ලබා ගන්නට දවස් ගණන් බලා සිටින තරුණියන් ගැන ඇහින් දුටු සාක්ෂි අපේ හිත මිතුරන් ළඟ ඕනවටත් වඩා තියෙනවා..
තමන්ගේ ජීවිතයට ජනප්රිය වටිනාකමක් එකතු කර ගැනීමේ සිහිනය සඳහා මේ අය බොහෝ දේ කරනවා.
ඒක තමයි ඇතැම් අය පුවත්පත්වලට කියන්නේ.. ” නිළියක සේ ස්ථාවර වීම ට මා ” ඕනෑම ” කැපකිරීමක් කිරීමට සූදානම් “..වැනි කතා.. ඒවයෙ ඇත්ත කතාවත් ඒකම තමයි.
දැන් මේවට කියන්නෙ “රංගනය” හෝ “රංගනය සඳහා කැපවීම”..නම් නෙවෙයි.. මේ සිද්ධවෙමින් පවතින්නෙ වෙනත් දෙයක්.
අධ්යක්ෂවරුන්ට විතරක් නෙවෙයි අපේ නළුවන්ට පවා සැබෑ ජීවිතයේදි සිහිනෙන්වත් ළඟා කර ගත නොහැකි අවස්තා රාශියක් හිමි කර ගැනීමේ ව්යාපෘතියක් මේ රංගනය නොවන රංගනය නම් ක්රියාවලිය ඇතුළෙදි සිද්ධ වෙනව.
ඒ ක වෙනම අධ්යන ක්ෂේත්රයක් .
